01.06.2024
BELARUSIAN CHARITY WEIRD MUSIC FEST
& VINYL PRESENTATION

01.06.2024
20:00 — 03:00WARSAWKWADRAT PRASKI
Szwedzka str. 2/4 hall number 9 & 17ENTER: ≥20ZLDonations for children of Belarusian political prisoners
ARRIVAL AREA:



20:30SCHMOLTZDJ SETСтарэйшына беларускага рэйв-андэрграўнду рыхтуе олдскульны progressive house сэт, свае свежыя дэмкі і сяброўскія анрэлізы.LISTEN

21:30DOMSUNLIVEБеларускі праект з Познані сыграе лайв-сэт атмасфернай электронікі і брэйкбіта, з вакалам і гітарай. Магчыма, вакаліст зробіць хвалю. Дакладна будзе бегаць без абутку.LISTEN

22:10EYE-QDJ SETГуру-торнтабліст прадэманструе сеанс феерычнага жангліравання мясістымі грувамі хіп-хопа, фанка і брэйкса.

23:10ANASTASIA RYDLEVSKAYALIVEЧароўная беларуская артыстка з Гданьска выканае свой першы лайв з 7 песень з альбомаў «When I Can’t Speak», «Mugwort» і дзве кампазіцыі з будучага альбома «Snake Charmer».LISTEN

23:40KORNEJDJ SETБеларускі дыджэй, журналіст, сузаснавальнік Radio Plato, які базуецца ў дыджэйскай гавані Гданьска, упершыню зайграе ў Варшаве, адмыслова для такога выпадку рыхтуе свежы саўнд.LISTEN

00:40WTBSKDJ SETБеларуская спявачка і паэтка Святлана Бень і электронны музыкант і мультымедыя-мастак Сяргей Новіцкі (MADMAPPER) прадставяць новы эксперыментальны праект, які нарадзіўся ў Віцебску, але вымушаны развівацца ў Берліне. Эксперыментальная электроніка, трып-хоп і псіхадэліка, нойзавыя гітары, транс, тэхна і габа-хардкор у спалучэнні з тэкстамі, якія колюць і рэжуць, як разбітае ў электрычцы акно.LISTEN

01:20GEORGE DOBROLIVEБескампрамісны праект феерычнай інды-рокавай зоркі Сяргея Пукста – пост-шансанье Георгій Добро. Найбольш вар'яцкае і вострае трыкстэр-шоу, каларытнейшы і смешны шансон з Беларусі – ужо ў Варшаве. Вы дакладна перажывеце вострае задавальненне ад сустрэчы з шэдэўрамі Майстра.LISTEN

01:40PAPA BO SELEKTAH
+ SECRET GUEST DJ SETКапітан Бо, таксама вядомы як першы пілот аэрабуса Belarus Outside Sound System і Пацімэйкер з вялікай літары П, майстарскі сумясціць філігранную посадку лайнера BOSS з сеансам экзарцызму і чыстай радасцю. А кульмінацый гэтага перфоманса будзе з’яўленне эксцэнтрычнага і выбуханебяспечнага тайнага госця (але пра гэта пазней).LISTEN



DEPARTURE AREA:



20:40ANA ZHDANOVA
LIVEРыхтуе асвяжальны і ў меру танцавальны лайв сэт для ветэранаў і заўсёднікаў танцпляца, а таксама іх нашчадкаў. Будуць трэкі, якія нідзе і ніколі не гучалі, таму ніхто не ведае, на што гэта будзе падобна. Сярэдні BPM 115, хаўс і ўсялякі электронны поп у арсенале.LISTEN

21:40SCARLETT
DJ SETРыхтуе Dub Metal сэт – цяжкія і адначасова эмбіентныя біты. Пад якія можна і патанчыць, і паляжаць адчуваючы прыемны цяжар і вагу гуку.LISTEN

23:00POCKETRAVE
LIVEБеларускі прадзюсар з Кракава, які выпускае эксперыментальную меладычную электроніку. Надае увагу выкарыстанню неапрацаванага гуку сінтэзатараў, не выкарыстоўваючы сэмплы і не карыстаючыся кампутарам. LISTEN

00:00UHEAD
DJ SETАдмыслова для імпрэзы рыхтуе гадзінную праграму рэтра-футурыстычнага тэхна. Абяцае тлусты біт і пажар на танцпляцы.LISTEN

01:30SYNTRIG
LIVEТэхна-музыка, які практыкуе танцавальны шаманізм, спалучаючы сінтэтычныя гукі з біярытмамі. Ён кампануе біты, якія дазваляюць вызваліць унутраных дэманаў і спалучыцца са сваёй сапраўднай сутнасцю праз рух.LISTEN


Шалёны беларускі аэробус BELARUS OUTSIDE SOUND SYSTEM з саунд-дэсантам, узброеным непрадказальнымі ўменнямі і талентамі, выпраўляецца ў гуманітарную місію ў Варшаве 1 чэрвеня.
Вылет запланаваны на Міжнародны дзень абароны дзяцей з зоны вылету KWADRAT PRASKi.Артысты-ўдзельнікі дабрачыннага падарожжа рыхтуюць сакрэтную музычную супермоц, каб трапіць кожнаму пасажыру ў сэрдца і найбольш эфектыўна выканаць агульную (інакш бы вас не запрашалі) галоўную місію – сабраць данаты на летні адпачынак дзецям беларускіх палітвязняў.

Далучайцеся да палёта — уваход на борт за данат ≥20zł.Таксама на борт будзе пагружаны каштоўны груз пад грыфам «Нацыянальны скарб» — гарачая, наўпрост з фабрыкі эксклюзіўная вінілавая плыта са складанкай беларускай электроннай музыкі “Belarus Outside Sound System”.Але не ўсё і адразу! Пра каштоўнасці — трошкі пазней!


Сачыце за аднаўленнямі на табло:
FACEBOOKFACEBOOK EVENT TELEGRAMINSTAGRAM
Дабрачынны гастралюючы музычны рух, які падтрымлівае беларускіх артыстаў у эміграцыі і прыцягвае ўвагу да сацыяльна-палітычных праблем у Беларусі.Аўтары праекта — беларускі культурны актывіст, арт-менеджар, дыджэй і былы палітвязень Аляксандр Багданаў (Papa Bo Selektah) і былая каманда культурнага цэнтра “Корпус” (Мінск, Беларусь).Зараз Belarus Outside Sound System развіваецца як культурная супольнасць прагрэсіўных і актыўных дзеячаў беларускай музычнай сцэны.Наша мэта — стаць агентамі сацыяльных змен, выкарыстоўваючы музыку як зброю і мяккую сілу.

Рабі — будзе!















Праект ладзіцца ў межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу.